AzərTac TASS informasiya agentliyinə istinadla xəbər verir ki, İraqın Müdafiə Nazirliyi orduya və könüllülərə dəstək üçün bölgəyə 200 tank və piyadaların döyüş maşını göndərib. Hərbi texnika artıq şəhərin yaxınlığındakı Əl-Xabaniya yaşayış məntəqəsinə yerləşdirilib.

Xatırladaq ki, İŞİD qruplaşması mayın 15-nə keçən gecə Ramadi şəhərinə miqyaslı hücumlara başlayıb və onun əksər hissəsini ələ keçirib. Mayın 17-də şəhər üzərində nəzarətə tam yiyələnən yaraqlılar İraq ordusunun Ənbar komandanlığının operativ mənzil-qərargahını tutub və çox sayda hərbi texnikanı qənimət götürüblər.