Böyük Britaniyanaın gözlədiyi körpə doğuldu. Hafta.az-ın məlumatına görə, şahzadə Uilyamın ikinci övladı bir neçə dəqiqə öncə dünyaya gəlib.

Kral sarayından verilən məlumata görə, Keyt Middlton qız övladı dünyaya gətirib. Hələlik körpə barədə ətraflı məlumat verilməyib.

Kembric hersoqiniyası bu gün səhər saatlarında doğuş üçün xəstəxanaya aparılmışdı.

Qeyd edək ki, körpənin cinsi və adı ilə bağlı aylardır ciddi müzakirələr gedib, hətta mərc belə qoyulub. Çoxları onun qız olacağını gözləyirdilər. Körpə taxt-tacın 4-cü varisi olacaq.

Keyt Middlton və şahzadə Uilyamın ilk övladı 2013-cü il iyul ayının 22-də doğulub. Onların oğlunun adı Corcdur.