Mediatv.az RİA Novosti-yə istinadən verdiyi məlumata əsasən, şahzadə artıq “Bond Air Services” şirkəti tərəfindən işə də götürülüb. 

O, artıq təcili yardım helikopterinin pilotu olmaq üçün lazım olan 14 imtahanı uğurla verib. Uilyamın vəzifəsi təcili çağırışlara reaksiya vermək olacaq. Bunlar qəza və ya ürəktutmalarla bağlı məlumatlar ola bilər.

Günorta və gecə növbəsində işləyəcək şahzadə alacağı maaşı xeyriyyəçiliyə xərcləyəcək.

Qeyd edək ki, 2013-cü ildə hərbi xidməti başa vurmuş Uilyam peşəkar hərbi helikopter pilotudur. 30 yaşlı Harri “Apache” helikopterinin pilotu olub. O, iki dəfə Əfqanıstanda xidmətdə olub və dəfələrlə hərbçi və yerli əhalinin daşınmasında iştirak edib.