ABŞ-nin sabiq dövlət katibi Henri Kissincer 100 yaşında vəfat edib.

Qalmaqallı Nobel Sülh mükafatı laureatı, iki prezidentin vaxtında xidmət etmiş siyasətçi yerli vaxtla noyabrın 29-da Konnektikut ştatındakı evində dünyasını dəyişib.

Bu barədə onun beynəlxalq konsaltinq şirkəti “Kissinger Associates”dən bildirilib.
Kissincer 100 illik yubileyindən sonra aktiv idi, o, Ağ Evdəki görüşlərdə iştirak etmiş, liderlik üslubları haqqında kitab nəşr etmiş və Şimali Koreyanın yaratdığı nüvə təhlükəsi ilə bağlı Senat komitəsi qarşısında ifadə vermişdi. 2023-cü ilin iyul ayında o, Çin Sədri Si Cinpinlə görüşmək üçün Pekinə qəfil səfər etmişdi.