PKK terror təşkilatının lideri Abdullah Öcalan fevralın 4-də İmralıda onunla görüşən HDP heyətinə silahlı mübarizənin buraxıldığı mesajını verib. Bu açıqlamadan sonra Türkiyədə hökumət və HDP-nin bir neçə gün içində ortaq məxrəcə gələrək bununla bağlı açıqlama yayacaqları gözlənilir.

Musavat.com Türkiyə mətbuatına istinadən bildirir ki, bu tarixi an çox yaxındır. İmralıda Öcalan “PKK-nın bütün birləşmələri silahı buraxsın. Artıq silahlı mübarizə bitmiş, siyasi mübarizə başlamışdır”,- deyib. Bildirilir ki, mesajı alan Kandil silahlıları hələ ki, müqavimət göstərir. Razılaşma əldə edilsə, silahlara son verəcək çağırış, hökumət və HDP tərəfindən ortaq bir şərhlə cəmiyyətə təqdim ediləcək. Bildirilir ki, Kandil hələ Öcalanın verdiyi bu mesajın ictimaiyyətə açıqlanmasına maneə yaradır.