Fransa prezidenti Emmanuel Makron kommunaların merləri ilə Yelisey sarayında keçirdiyi görüşdə ölkədə iğtişaşların pik həddinin keçdiyini bildirib. Bu barədə Fransanın BFMTV telekanalı məlumat yayıb.

"Gələcək günlər və həftələr üçün diqqətli olmalıyıq, lakin gördüyünüz kimi, iğtişaşların pik nöqtəsi keçib" deyə Makron qeyd edib.
O, həmçinin əlavə edib ki, hakimiyyət “ən yüksək prioritet” olaraq davamlı nizam-intizam üçün səy göstərməlidir.
Fransada etirazlar iyunun 27-də axşam saatlarında Paris ətrafında 17 yaşlı yeniyetmənin polis tərəfindən öldürülməsindən sonra başlayıb. İyunun 29-na keçən gecə nümayişçilər avtomobilləri yandırıb, vitrinləri sındırıb, polislərə hücum edib, barrikadalar qurublar. İğtişaşlar davam edir.
İyulun 3-də Fransa Daxili İşlər Nazirliyi bir gecədə 157 iğtişaşçının həbs edildiyini açıqlayıb. 10 kommunada hakimiyyət iğtişaşlara nəzarət etmək üçün komendant saatı tətbiq edib.шаблоны для dle 11.2