Gürcüstanın Ukraynadakı səfiri Georgi Saakaraşvili məhbus Mixail Saakaşvilinin vəziyyətinin xeyli pisləşməsi ilə əlaqədar Xarici İşlər Nazirliyinə çağırılıb.
XİN-in mətbuat xidmətindən verilən məlumata görə, səfirə kəskin etiraz edilib və vəziyyətin həlli yollarını axtarmaq üçün Tbilisiyə qayıtmaq təklif olunub.
“Gürcü diplomatı qeyd edib ki, Mixail Saakaşviliyə bu cür münasibət qətiyyən yolverilməzdir. Gürcüstan hakimiyyəti Ukrayna vətəndaşını təhqir etməyi dayandırmalıdır. Bununla əlaqədar Gürcüstanın Ukraynadakı səfiri Georgi Saakaraşvili mövcud vəziyyəti həll etmək yollarını tapmaq üçün məsləhətləşmələr aparmaq üçün Tbilisiyə qayıtmağa dəvət olunub”, - deyə məlumatda bildirilir. Ukrayna Saakaşvilinin müalicə və qulluq üçün gətirilməi məsələsini dərhal müzakirə etməyə hazırdır.
Xatırladaq ki, dünən Gürcüstanın keçmiş prezidenti və Ukrayna vətəndaşı Mixail Saakaşvili bir neçə aydan sonra ilk dəfə məhkəmə iclasına qatılaraq həbsdə olmağın fəsadlarını göstərib. Onun səhhəti çox pisləşib.
Prezident Vladimir Zelenski vəziyyəti şərh edərkən deyib ki, Rusiya Gürcüstan hakimiyyətinin əli ilə Saakaşvilini öldürür. O, Xarici İşlər Nazirliyinə Gürcüstan səfirinə etiraz notası təqdim etməyi tapşırıb.
Yazda Saakaşvili özü Gürcüstan hakimiyyətindən onun müalicə üçün xaricə getməsinə icazə verməsini xahiş edib.шаблоны для dle 11.2