Rusiyaya qarşı iqtisadi məhdudiyyətlərin tətbiqi Gürcüstanın və gürcü xalqının maraqlarına xəyanət olardı. Mediatv.az RİA Novosti-yə istinadən məlumat verir ki, bunu parlamentdə görülən işlərlə bağlı hesabatla çıxış edən respublikanın baş naziri İrakli Qaribaşvili deyib.

"Qondarma sanksiyaların və hansısa məhdudiyyətlərin tətbiqi, ticarətin və iqtisadiyyatın bağlanması və s. tamamilə məsuliyyətsiz addım olardı. Üstəlik, bunu ölkənizin və xalqınızın maraqlarına xəyanət adlandırmaq olar".
Hökumət başçısı sanksiyaların tətbiqindən gürcü xalqının əziyyət çəkəcəyini deyib.
"Kimsə əziyyət çəksəydi, o zaman ölkəmiz, xalqımız əziyyət çəkərdi. Biz bu qədər cəsarətlə yaşaya bilməzdik, iqtisadi artımımız, inkişafımız, iş yerlərimiz olmazdı".
2022-ci il fevralın 25-də Qaribaşvili Rusiyaya qarşı sanksiyalar tətbiq etməyi planlaşdırmadığını açıqlayıb və bunu milli maraqlarla izah edib. Ölkə hakimiyyəti dəfələrlə bəyan edib ki, Rusiyaya qarşı sanksiyaların tətbiqi Gürcüstana böyük iqtisadi ziyan vurmaqla yanaşı, həm də hərbi qarşıdurmaya səbəb ola bilər.шаблоны для dle 11.2