Ukrayna Silahlı Qüvvələrinin Ali Baş Komandanı Valeriy Zalujnı Rusiyanın nüvə silahından istifadə təhlükəsinin onu tutduğu yoldan çəkindirmədiyini bildirib.

O, öz mövqeyini “The Washington Post” qəzetinə müsahibəsində bildirib.

Nəşr qeyd edir ki, Zalujnının Ukrayna ərazilərini azad edərkən nəzərə almalı olduğu ən pis ssenarilərdən biri Vladimir Putinin nüvə silahından istifadə edəcəyi təhlükəsidir. Bundan əlavə, Ukrayna Rusiyanın Zaporojye atom elektrik stansiyasında terror aktı hazırladığını açıqlayıb.

“Bu, məni qətiyyən dayandırmır. Biz işimizi görürük. Bütün bu siqnallar nədənsə kənardan gəlir: “Nüvə zərbəsindən qorxun”. Yaxşı, indi biz təslim olmalıyıq? - Zalujnı belə deyib.

Xatırladaq ki, ABŞ prezidenti Co Bayden bu yaxınlarda Putinin taktiki nüvə silahından istifadə təhlükəsinin “real olduğunu” bildirmişdi.

Ukrayna kəşfiyyatı Rusiyanın nüvə silahından istifadə etməsi ilə bağlı hipotetik təhlükənin mövcud olduğunu, lakin hazırda riskin artmadığını qeyd edib. Kirill Budanov isə tam əmindir ki, Rusiya nüvə zərbəsi endirməyəcək.

Prezident Vladimir Zelenski Putinin niyə Ukraynaya qarşı nüvə silahından istifadə etməyəcəyini də açıqlayıb.шаблоны для dle 11.2