Mediatv.az ukr.net-ə istinadən məlumat verir ki, Müdafiə nazirinin müavini Anna Malyar Ukrayna Silahlı Qüvvələrinin cənub istiqamətində uğurlu əks-hücum əməliyyatı keçirdiyini açıqlayıb.

O, bu barədə telemarafonun efirində deyib.

“Düşmənin komanda məntəqələri, texnikası, tankları, helikopterləri, hərbçilərin kompakt cəmləşdiyi yerlər hər gün məhv edilir. Hər gün. Bütün bunlar məhv edilməsəydi, bizim əleyhimizə gedəcəkdi. Yəni, biz təşəbbüsü ələ keçirəndə bu o demək deyil ki, biz sadəcə olaraq irəliləyirik. Bu o deməkdir ki, biz düşməni o qədər aşağı salmışıq ki, o, artıq bu təşəbbüsün qarşısını ala bilmir”.

Həmçinin Malyar qeyd edib ki, hərbçilərin sözlərinə görə, tapşırıqlar plana uyğun həyata keçirilir. Baxmutun yaxınlığında müdafiəçilər cinahlarda irəliləyir və düşmən itki verir.

Xatırladaq ki, ABŞ dövlət katibi Entoni Blinken hesab edir ki, Ukrayna qüvvələri qələbə qazanmaq üçün lazım olan hər şeyə malikdir.

Bundan əlavə, Baxmut yaxınlığında ukraynalı hərbçilər rusların aylarla hazırladıqları müdafiə xəttini yarıb işğalçıların batalyonunu darmadağın etdilər.шаблоны для dle 11.2