Ukrayna Silahlı Qüvvələrinin polkovnik-leytenantı hesab edir ki, diktator Lukaşenkonun bütün bu illər ərzində ölkəyə rəhbərlik etdiyi rusiyapərəst yolu Belarusu dalana dirəyib.
Mediatv.az ru.slovoidilo.ua-ya istinadən xəbər verir.
Belarusun Müdafiə və Təhlükəsizlik üzrə Birgə Keçid Kabinetinin nümayəndəsi və Ukrayna Silahlı Qüvvələrinin tərkibində Belarusun hava hücumu qrupunun yaradıcısı Valeri Saxaşçik belaruslara müraciət edib. Priqojinin Rusiyadakı üsyanı fonunda o, ölkəsinin xalqını birləşməyə çağırıb.

O, bu barədə Ukraynanın Telegram kanallarında yayımlanan videomüraciətində bildirib.

“Bütün düşünən insanlar başa düşdülər ki, Rusiya Federasiyası yalan, korrupsiya və qanunsuzluq üzərində qurulub. Biz bu prosesin aktiv mərhələsinin başladığının şahidiyik. Sabah nə olacağını bilmirik”, - deyə o bildirib.
Ukrayna Silahlı Qüvvələrinin polkovnik-leytenantı hesab edir ki, diktator Lukaşenkonun bütün bu illər ərzində ölkəyə rəhbərlik etdiyi rusiyapərəst yol Belarusu dalana dirəyib.

“Və biz bundan sonra nə edəcəyimizə qərar verməliyik və tez qərar verməliyik, çünki ya bu tarixi şansdan istifadə edib uğurlu Avropa ölkəsi olacağıq, ya da hər şeyi itirəcəyik və Belarus Respublikasının adı yalnız Rusiyada qalacaq.  Mən ilk növbədə Belarus hərbçilərinə müraciət etmək istəyirəm. Güvənəcəyimiz heç kim yoxdur. Ancaq birlikdə biz mütləq bunun öhdəsindən gələcəyik. Gəlin milləti birləşdirək, Vətəni xilas edək, qalan hər şey - sonra olacaq”, - Saxaşçik əlavə edib.

O, 38-ci Hava Desant Briqadasının və digər hərbi hissələrin hərbçilərinə müraciət edərək “onların dalğasına köklənib əlaqə saxlamağa” çağırıb.шаблоны для dle 11.2