Mediatv.az ru.slovoidilo.ua-ya istinadən məlumat verir ki, NATO-nun baş katibi Yens Stoltenberq müttəfiqlərinə Ukraynanın əks-hücum əməliyyatı ilə bağlı vaxtından əvvəl nəticə çıxarmamaq barədə xəbərdarlıq edib.
Stoltenberqin bəyanatını Alyansın mətbuat xidməti yayıb.
“Bunlar yalnız ilk günlərdir və bunun müharibədə dönüş nöqtəsi olub-olmayacağını hələ bilmirik. Ancaq indi biz görürük ki, ukraynalılar irəliləyir və getdikcə daha çox torpaqları azad edirlər”, - deyə, NATO rəhbəri bildirib.
Onun sözlərinə görə, müharibənin hazırkı mərhələsində əsas məqsəd Rusiya Federasiyası ilə mümkün danışıqlardan əvvəl Ukraynanın mövqeyini gücləndirməkdir.
“Biz bilirik ki, Ukrayna bu hücumda nə qədər çox nailiyyət əldə etsə, onların danışıqlar masasındakı mövqeyi bir o qədər möhkəm olacaq. Ukrayna nə qədər çox qələbə qazansa, prezident Putinin döyüş meydanında qalib gələ bilməyəcəyini, ancaq ədalətli sülh üçün danışıqlar aparmalı olduğunu başa düşmə ehtimalı bir o qədər yüksəkdir”, - deyə, Stoltenberq bildirib.
Xatırladaq ki, Ukrayna Müdafiə Nazirliyi Ukrayna Silahlı Qüvvələrinin bir həftə ərzində 7 yaşayış məntəqəsini azad etdiyini və 6 km-dən çox irəlilədiyini bildirmişdi.
Daha əvvəl ISW bildirib ki, Ukrayna Silahlı Qüvvələrinin əks-hücumları cəbhənin ən azı dörd sektorunda davam edir və Britaniya kəşfiyyatı qeyd edib ki, Ukrayna Silahlı Qüvvələri artıq Rusiya Federasiyasının birinci müdafiə xəttini keçə bilib.шаблоны для dle 11.2