Mediatv.az depositphotos.com-a istinadən məlumat verir ki, İndoneziya hakimiyyəti Rusiya da daxil olmaqla 159 ölkə ilə COVID-19 səbəbilə kəsilən vizasız rejimi bərpa etməmək qərarına gəlib. İndoneziyanın "Bali Times" portalı yazır ki, ölkəyə vizasız səfər etmək imkanı yalnız ASEAN regionunun digər ölkələrinin vətəndaşları üçün mövcuddur.
Nəşr xatırladır ki, vizadan azad edilməsinin dayandırılması ilə bağlı əmr Ədliyyə və İnsan Hüquqları Nazirliyi tərəfindən ictimai asayişin pozulması və Ümumdünya Səhiyyə Təşkilatı (ÜST) tərəfindən xəstəliklərdən azad olaraq sertifikatlaşdırılmayan ölkələrdən xəstəliklərin ötürülməsi ehtimalı ilə bağlı narahatlıqlara görə verilib.
Materialda İndoneziya hakimiyyətinin Rusiya, Ukrayna, Belarus, həmçinin ABŞ, Çin və Almaniya da daxil olmaqla 159 ölkə ilə vizasız rejimi yeniləməmək qərarına gəldiyi bildirilir. 2020-ci ilin fevral ayında İndoneziya koronavirusa yoluxma hallarının sayının artması səbəbindən Rusiya ilə vizasız rejimi dayandırıb. May ayında Bali qubernatoru Vayan Koster İndoneziya adasına daxil olan turistlərin sayına kvota tətbiq etmək planlarını açıqlamışdı. Martın 17-də İndoneziyanın Rusiyadakı səfiri Xose Tavares ilin sonuna qədər Moskva ilə uçuşların bərpasına ümid etdiyini bildirib.шаблоны для dle 11.2