Mediatv.az ukr.net-ə istinadən məlumat verir ki, Ukraynanın Almaniyadakı keçmiş səfiri, hazırda isə xarici işlər nazirinin müavini Andriy Melnik Braziliyaya səfir təyin edilib.
“Andriy Yaroslavoviç Melnik Ukraynanın Braziliya Federativ Respublikasında fövqəladə və səlahiyyətli səfiri təyin edilsin”, – 341/2023 saylı fərmanda belə deyilir.
Bundan əlavə, Zelenski Yuri Polyuxoviçi Kolumbiyaya, Oleksandr Polişçuku isə Ukraynanın Hindistana səfiri təyin edib.
Qeyd edək ki, Melnik 2014-2022-ci illərdə Almaniyada səfir vəzifəsində çalışıb. O, ölkə rəhbərliyi ilə bağlı sərt və bəzən qeyri-diplomatik açıqlamaları ilə yadda qalıb. Məsələn, o, Ukraynaya gəlmək istəmədiyinə görə kansler Olaf Şolsu “incimiş kolbasa” adlandırıb.
Bundan əlavə, Melnik həmişə Almaniya hökumətini Ukraynaya silah tədarük etməyi qətiyyətlə tələb edib.
Ötən ilin iyulunda Zelenski Aleksey Makeyevi Almaniyaya səfir təyin edib. Və Melnik xarici işlər nazirinin müavini vəzifəsini icra edib.
Ukraynanın Braziliya ilə indi çətin münasibətləri var - prezident Luiz İnasio Lula da Silva Rusiya ilə danışıqların zəruriliyindən fəal danışmağa başlayıb. O, bu yaxınlarda bəyan edib ki, Ukraynadakı “münaqişənin” hərbi həlli yoxdur.

Prezident Vladimir Zelenski braziliyalı həmkarı ilə görüşməkdə maraqlı olduğunu bildirib.шаблоны для dle 11.2