Mediatv.az lenta.ru-ya istinadən məlumat veir ki, Rusiya taktiki nüvə silahlarının Belarus ərazisində yerləşdirilməsi ilə bağlı razılaşma vaxt çərçivəsini nəzərdə tutmur.
Bunu TASS-a müsahibəsində Rusiya Xarici İşlər Nazirliyinin MDB ölkələri üzrə ikinci departamentinin direktoru Aleksey Polişçuk deyib.
"Rusiya-Belarus razılaşmaları bu məsələdə heç bir məhdudiyyət nəzərdə tutmur", - diplomat bildirib.
Onun sözlərinə görə, taktiki nüvə silahlarının Rusiyaya hipotetik qaytarılmasının əsas şərti Avropada müvafiq infrastrukturun ləğvi ilə Amerikanın bütün nüvə silahlarının ABŞ ərazisinə çıxarılması ola bilər.
Bundan əvvəl Rusiya prezidenti Vladimir Putin Belarusda nüvə silahının yerləşdirilməsini çəkindirmə elementi adlandırıb.
Həmçinin Belarus prezidenti Aleksandr Lukaşenko Rusiyanın nüvə silahlarının ölkənin bir sıra obyektlərinə səpələnəcəyini bildirib.  шаблоны для dle 11.2