Media.tv rg.ru-ya istinadən məlumat verir ki, Çin və Fransa Ukrayna böhranı ilə bağlı mövqelərini razılaşdırıblar və münaqişənin sülh yolu ilə həllinə birgə səy göstərməyə razılaşıblar. Bu barədə “South Chinas Morning Post” Çin Xarici İşlər Nazirliyinin bəyanatına istinadən xəbər verir.
Qeyd olunur ki, Çin Kommunist Partiyası Mərkəzi Komitəsinin Siyasi Bürosunun üzvü və Çin diplomatiyasının rəhbəri Vanq İ ilə Fransa prezidentinin müşaviri Emmanuel Bonn arasında telefon danışığı olub. Onlar “ardıcıl olaraq toplanmağa və siyasi nizamlanmanın başlanması üçün şərait yaratmağa” razılaşıblar.
Zəng zamanı Vanq Fransa lideri Emmanuel Makrona beynəlxalq forumlarda diplomatik müstəqillik nümayiş etdirdiyinə və Pekin ilə Avropa arasında daha fəal qarşılıqlı fəaliyyətə görə “təşəkkürünü” bildirib.
“Çoxqütblü dünyanın iki hərəkətverici qüvvəsi kimi Çin və Avropanın fikir ayrılıqlarından daha çox ortaq maraqları var və rəqabətdən daha çox əməkdaşlığa diqqət yetirməlidirlər”, - deyən diplomat Çin və Fransanın “hərtərəfli strateji tərəfdaşlığa” səy göstərməli olduğunu bildirib.
Bundan əvvəl ABŞ Dövlət Departamentinin yüksək səviyyəli Asiya rəsmisi Daniel Kritenbrink və Çin Xarici İşlər Nazirinin müavini Ma Çyaoşu iki ölkənin müdafiə rəisləri Lloyd Austin və Li Şanfu arasında Sinqapurda təhlükəsizlik forumunda toqquşmasından bir neçə gün sonra görüşüb. Tərəflər arasında “səmimi danışıqlar” aparılıb. Pekin Vaşinqtonun “təxribatçı” addımlarından ehtiyatlı olsa da, yüksək vəzifəli məmurlar əlaqə saxlamağa razılaşıblar.
Tərcümə etdi: Səadət Sultanшаблоны для dle 11.2