Mediatv.az TASS-a istinadən xəbər verir ki, Çin Xarici İşlər Nazirliyinin sözçüsü Vanq Venbin bildirib ki, Li Huey digər Ukrayna rəsmiləri ilə də görüşlər keçirib.
Çin hökumətinin Avrasiya məsələləri üzrə xüsusi nümayəndəsi Li Huey Ukraynaya səfəri çərçivəsində Ukrayna prezidenti Vladimir Zelenski ilə görüşüb. Bu barədə cümə axşamı brifinqdə Çin Xarici İşlər Nazirliyinin sözçüsü Van Venbin bildirib.
"Xüsusi nümayəndə Li Hueyin Ukraynaya səfəri zamanı Ukrayna prezidenti Vladimir Zelenski onunla görüşüb. Li Huey digər Ukrayna rəsmiləri ilə də görüşlər keçirib", - deyə, Vanq Venbin bildirib.
Ukrayna Xarici İşlər Nazirliyinin məlumatına görə, Çinin Avrasiya məsələləri üzrə xüsusi nümayəndəsi Li Huey mayın 16-17-də Kiyevdə olub. O bildirib ki, Ukrayna böhranının həlli üçün universal üsul yoxdur və ÇXR bu problemin həllinə öz yolu ilə kömək edəcək.
Bundan əvvəl xəbər verilmişdi ki, Çin Xalq Respublikasının xüsusi nümayəndəsi Ukrayna Prezidenti Aparatının rəhbəri Andrey Yermak və bu ölkənin xarici işlər naziri Dmitri Kuleba ilə ayrı-ayrılıqda görüşlər keçirib.шаблоны для dle 11.2