Mediatv.az  ukr.net-ə  istinadən məlumat verir ki, son 48 saat ərzində Rusiya-Ukrayna cəbhəsinin bir çox bölmələrində hərbi əməliyyatlar xeyli intensivləşib.
Bu barədə Britaniya kəşfiyyatı məlumat yayıb.
Xüsusən də bir neçə aydır ki, sakitlik hökm sürən ərazilərdə döyüşlər intensivləşib.
Kəşfiyyatçılar onu da qeyd edirlər ki, “Vaqner” PMC ilə Rusiya Federasiyasının Müdafiə Nazirliyi arasında düşmənçilik görünməmiş həddə çatıb. Yevgeni Priqojin ilk dəfə ordunun onun muzdlularına qarşı qəsdən ölümcül güc tətbiq etdiyini, bundan sonra “Vaqner”in çox güman ki, Rusiya ordusu briqadasının komandirini saxladığını iddia etdi.
"Rusiyanın ehtiyat hissələrinin çatışmazlığı ilə “Vaqner”in Müdafiə Nazirliyinin hərəkətlərinə necə reaksiya verməsi qarşıdakı həftələrdə münaqişənin əsas amili olacaq", - deyə, mesajda əlavə edilib.
Həmin ərəfədə məlum olub ki, döyüşlərin gedişində Ukrayna Silahlı Qüvvələri bir neçə istiqamətdə irəliləyib.
Eyni zamanda, Rusiya ordusu son sutka ərzində Ukraynada 800-ə yaxın hərbçisini itirib. Genişmiqyaslı müharibə başlayandan bəri itkilər artıq 211 min 150 nəfərə çatıb.
Tərcümə etdi: Səadət Sultanшаблоны для dle 11.2