Mediatv.az ru.slovoidilo.ua-ya istinadən məlumat verir ki, Rusiya Federasiyası ərazisinə partizan basqınları Moskvanı dilemma qarşısında qoyub: öz ərazisini qorumaq və ya Ukraynanın işğal olunmuş rayonlarında qoşun buraxmaq.
Bu barədə Britaniya kəşfiyyatı məlumat yayıb.
Qeyd edək ki, dünən, iyunun 1-də rus partizan dəstələri on gün ərzində ikinci dəfə Belqorod vilayətinə hücum edib. Gün ərzində sərhəddə yerləşən Şebekino şəhərində partlayış səsləri eşidilib. Pilotsuz təyyarələr də Belqoroda hücum edib.
Britaniya kəşfiyyatına görə, Rusiya hərbi və daxili qüvvələri bu basqının qarşısını almaqda əvvəlkindən daha sürətli uğur qazanacaqlar. Bununla belə, Rusiya Federasiyası Müdafiə Nazirliyinin press-relizinə görə, o, öz ərazisində bütün növ atəş silahlarını, o cümlədən hücum helikopterlərini və TOS-1A ağır termobarik raket yayıcısını yerləşdirməyə əl atıb.
Kəşfiyyatçılar vurğulayırlar ki, rus komandirləri indi kəskin dilemma qarşısındadır: öz ölkələrinin sərhəd bölgələrində müdafiəni gücləndirmək və ya işğal olunmuş Ukraynada mövqelərini gücləndirmək.
 
Tərcümə etdi: Səadət Sultanшаблоны для dle 11.2