Mediatv.az ru.slovoidilo.ua-ya istinadən məlumat verir ki, Baxmutdan cənuba doğru hərəkət etməklə yanaşı, Ukrayna hərbçiləri şəhərin şimal-qərbində Rusiya cəbhə xəttini geri itələdi.Britaniya Müdafiə Nazirliyinin məlumatında qeyd olunur ki, bu, Ukrayna qüvvələrinə 0506 saylı əsas təchizat marşrutundan daha təhlükəsiz istifadəni bərpa etməyə imkan verib.
“Son dörd gün ərzində Ukrayna qüvvələri Baxmutun cinahlarını öz xeyrinə sabitləşdirərək, taktiki irəliləyiş əldə edib”, - bəyanatda belə deyilir.
Britaniya kəşfiyyatı qeyd edir ki, Ukrayna su yolunu Çasov Yar şəhəri ətrafındakı dərin müdafiə zonası daxilində maneəyə çevirməklə Rusiyanın Donetsk-Donbass kanalı boyunca qərbə doğru irəliləməsinə mane olur.Bununla belə, qeyd edilir ki, “Vaqner” terror qruplaşmasının qüvvələri Baxmut ərazisində hücum cəhdlərindən əl çəkmir.
Daha əvvəl bildirilmişdi ki, ukraynalı müdafiəçilər son iki gündə Baxmut ətrafındakı bəzi ərazilərdə 350 metrdən 2 kilometrədək məsafəyə qədər irəliləyiblər.Xatırladaq ki, bazar günü, mayın 14-də Ukrayna Müdafiə Qüvvələri Baxmut kənarının şimalında və cənubunda ondan çox düşmən mövqelərini ələ keçirdi və İvanovski bölgəsindəki meşənin əhəmiyyətli bir sahəsini təmizləyib, işğalçıları ələ keçirdi.шаблоны для dle 11.2