Mediatv.az  rambler.ru-ya istinadən məlumat verir ki,  Çin İlon Maskın səfərini alqışlayır və beynəlxalq biznesin digər nümayəndələrini də Çinə səfər etməyə təşviq edir. Bu barədə çərşənbə axşamı brifinqdə Çin Xarici İşlər Nazirliyinin rəsmi nümayəndəsi Mao Nin TASS müxbirinin Tesla elektromobil istehsalçısının rəhbərinin Çinə gözlənilən səfərini şərh etmək xahişinə cavab olaraq bildirib.
"Çin İlon Maskın [səfərini] alqışlayır və digər biznes nümayəndələrini ölkəyə səfərə dəvət edir ki, Çin və əməkdaşlığın faydaları haqqında düzgün başa düşülməsi yaransın", - deyə, Çin Xarici İşlər Nazirliyinin rəsmi nümayəndəsi bildirib.
Onun sözlərinə görə, Pekin xarici investorları Çində fəaliyyətlərini artırmağa, Çin bazarlarını inkişaf etdirməyə və Çinin inkişafından əldə olunan gəlirləri bölüşməyə təşviq edir.
Bir gün əvvəl Reuters mənbələrə istinadən bildirmişdi ki, Maskın bu həftə Çinə səfəri, hökumət rəsmiləri ilə görüşməsi və Şanxaydakı Tesla zavoduna baş çəkməsi gözlənilir.
Şanxayda Tesla fabriki 2019-cu ildə açılıb. 2022-ci ildə modernləşdirmədən sonra müəssisə ildə 1 milyon Model 3 və Model Y elektrik avtomobili istehsal etmək iqtidarındadır.Daha əvvəl mətbuatda Teslanın Şanxayda daha bir yığma zavodu tikmək planları barədə məlumatlar yayılmışdı. Burada ildə 450 min Model 3 və Model Y istehsalının qurulması planlaşdırılır.
Tərcümə: Səadət Sultanшаблоны для dle 11.2