TASS-a istinadən məlumat verir ki, Rusiya Federasiyasının Baş nazirinin Pekində Çin Xalq Respublikasının sədri Si Tsinpinlə görüşü və Çin Dövlət Şurasının baş naziri Li Tsiyan ilə danışıqları planlaşdırılıb. Mixail Mişustin Şanxayda Rusiya-Çin Biznes Forumunda çıxış edəcək.
Rusiya hökumətinin mətbuat xidməti cümə günü bildirib ki, Rusiyanın baş naziri Mixail Mişustin mayın 23-24-də Çinə rəsmi səfər edəcək.
Nazirlər Kabineti qeyd edib ki, ticarət-iqtisadi sahədə Rusiya-Çin əməkdaşlığının cari məsələlərinə baxılacaq, sənaye, energetika, nəqliyyat infrastrukturu, kənd təsərrüfatı və digər sahələrdə qarşılıqlı fəaliyyətə xüsusi diqqət yetiriləcək. Danışıqlar nəticəsində bir sıra ikitərəfli sazişlərin imzalanması planlaşdırılır", - deyə, məlumatda deyilir.
Tədbirdə Rusiya Federasiyası və Çinin aparıcı şirkətlərinin rəhbərləri iştirak edəcək.
Çinə bu səfər Mişustinin baş nazir kimi ilk səfəri olacaq.
Si Tsinpin 20-22 mart tarixlərində Moskvaya səfəri zamanı Rusiya hökumətinin başçısını Çin Xalq Respublikasının Dövlət Şurasının yeni baş naziri ilə sıx əlaqələr qurmaq üçün mümkün qədər tez Çinə səfərə dəvət edib. Mişustin bu dəvəti qəbul edib. O, həmçinin Tsiyan ilə  konstruktiv dostluq dialoqu qura biləcəyinə əminliyini ifadə edib.
Tərcümə: Səadət Sultanшаблоны для dle 11.2