Mediatv.az   russian.rt.com-a istinadən məlumat verir ki, Qazaxıstan heç bir ittifaq dövləti yaratmağı və ya mövcud olanlara qoşulmağı planlaşdırmır.
Bu barədə respublika prezidentinin mətbuat katibi Ruslan Jeldibay bildirib.
“Qazaxıstan heç bir ittifaq dövləti yaratmaq və ya onlara qoşulmaq niyyətində deyil və planlaşdırmır”, - deyə RİA Novosti onun sözlərindən sitat gətirib.
Bundan əvvəl Belarus prezidenti Aleksandr Lukaşenko əmin olduğunu bildirib ki, birgə səylər nəticəsində Avrasiya İqtisadi İttifaqı (Aİİ) ölkələri yeni çoxqütblü dünyanın mərkəzlərindən birini yarada bilərlər.
Rusiya prezidenti Vladimir Putin deyib ki, Aİİ ardıcıl olaraq özünü çoxqütblü dünyanın mərkəzlərindən biri kimi təsdiqləyir.
Putin Ali Avrasiya İqtisadi Şurasının geniş tərkibdə keçirilən iclasında iştirakçı ölkələri vahid rəqəmsal ekosistem formalaşdırmağa dəvət edib.
 шаблоны для dle 11.2