Rusiya prezidenti Vladimir Putinin referendumlar və qismən səfərbərlik elanları Ukraynada böyük bir eskalasiyadır.

Mediatv.az xəbər verir ki, bunu Aİ diplomatiyasının rəhbəri Jozep Borrell deyib.

Onun sözlərinə görə, “qondarma referendumlar, qismən hərbi səfərbərlik və nüvə şantajının elan edilməsi ciddi eskalasiyadır”. "Nüvə təhlükələri qəbuledilməzdir və hər kəs üçün real təhlükə yaradır. Beynəlxalq ictimaiyyət bu cür hərəkətlərin qarşısını almaq üçün birləşməlidir. Dünya sülhü təhdid altındadır", - o Twitter-də yazıb.

Qeyd edək ki, sentyabrın 21-də Putin ölkədə qismən səfərbərlik haqqında fərman imzalayıb. Rusiyanın müdafiə naziri Sergey Şoyqunun sözlərinə görə, səfərbərlik zamanı 300 min ehtiyatda olan hərbçi çağırılacaq, onlar NVO zonasına göndərilməzdən əvvəl təlim keçəcəklər. Hərbi idarə rəisi vurğulayıb ki, səfərbərlik ilk növbədə xüsusi əməliyyat zamanı azad edilmiş ərazilərə nəzarət etmək üçün həyata keçirilir.шаблоны для dle 11.2