“Laçın rayonunun Azərbaycana qaytarılacaq torpaqları ilə bağlı söz-söhbətə istehza edən əziz və hörmətli məmurlar bu fotolarla tanışdırlarmı?”.
Mediatv.az KONKRET.az-a istinadla xəbər verir ki, bu sualı media eksperti Nairi Oxikyan öz Facebook səhifəsində verib və Laçın dəhlizinə alternativ çəkilən yolun tikintisindən foto paylaşıb.

“Bu, Zəngəzurun Kornidzor kəndi yaxınlığından başlayaraq Xinşen, Metsşen, Lisaqor kəndlərinə çatan yeni yoldur. Yol artıq asfaltlanır və erməni hakimiyyəti dəvəquşu kimi başlarını quma soxub. Guya heç nə görmürlər və təhlükənin olmadığını deyirlər.

Azərbaycan rəhbərliyi söz verib (bundan Ermənistan hakimiyyətinin də xəbəri var) ki, yolun tikintisi başa çatan kimi bir saniyə belə gözləmədən Laçın şəhərində Azərbaycan bayrağını ucaldacaq. O zaman Ermənistan hakimiyyəti nə deyəcək, öz hərəkətsizliyinə necə haqq qazandıracaq, aylardır bu məsələni qaldıranları ələ saldıqlarını necə izah edəcəklər, ən əsası isə Laçın, Sus və Zabuxda yaşayan ermənilərin şəraitini necə təmin edəcəklər. Bunlar heç kimin cavab vermək istəmədiyi suallardır”, – Oxikyan qeyd edib.шаблоны для dle 11.2