Azərbaycanın Moldovadakı səfiri Qüdsi Osmanov barədə Ukrayna tərəfi cinayət işi açıb. Tezadlar.az “RIA Novosti”yə istinadla bildirir ki, bu xəbər rəsmən təsdiqlənib. Səbəb isə ondadır ki, səfir Qüdsi Osmanov BMT-nin Ukraynanın ərazisi kimi tanıdığı, Rusiya tərəfindən işğal edilmiş Krıma qeyri-qanuni daxil olub. Bu məsələ ilə bağlı sənədlər Rusiya ordusu tərəfindən Xersonda aşkar edilib.
İstənilən halda Azərbaycan səfirinin işğal altında olan Krıma səfəri başa düşülən deyil, diplomatik qaydaların pozulmasıdır, Ukrayna ilə Azərbaycan arasında siyasi qalmaqal da yarada bilər. Hansı ki, Azərbaycan 30 il ərzində Ermənistanın işğalı altında olmuş Qarabağa səfər edən Rusiya, Fransa və Hollandiyalı siyasilərin, diplomatların, jurnalist və bloggerlərin barəsində bəyanatlar verərək bu hərəkəti Azərbaycanın suverenliyinə qəsd kimi qiymətləndirərək barələrində cinayət işi başlanılacağını bəyan etmişdi.
Qısası, Azərbaycanlı səfirin belə bir addım atması yolverilməzdir!
