Milli Məclisinin Sosial siyasət komitəsinin sədri Hadı Rəcəbli bildirib ki, çox arvadlılıq və çox ərlilik barədə qanunlara əlavə və dəyişikliklərin ediləcəyi barədə deyilənlər sadəcə söz-söhbətlərdir: "Çünki hazırda qanunvericilikdə çoxarvadlılığa rəsmən icazə verilməsi mümkün deyil. Çünki hazırda Azərbaycandakı şüur, səviyyə, inkişaf buna imkan vermir”.

Azerinfo.org-a daxil olan məlumata görə, Hadı Rəcəblinin bu açıqlaması məmurlar arasında ciddi narazılığa səbəb olub. Belə ki, bir sıra məmurların bu qanunun gerçəkləşməsinə çalışdıqları vurğulanır. Onlar gizli həyat yaşadıqları xanımların könlünü almaq üçün ən azından ikiarvadlılığa icazə verilməsini istəyirlər.

Həmin məmurlardan birinin Xətai rayon icra hakimiyyətinin başçısı Razim Məmmədov olduğu vurğulanır. Qeyd olunur ki, artıq neçə müddətdən bəri icra başçısı bu qanunun təsdiq olunmasını istəyir. İddia olunur ki, Razim Məmmədov bir neçə ildən bəri ikinci evliliyini rəsmiləşdirmək istəyir. Lakin həm qohumlarının qınağı, həm də yuxarıların bu məsələdən məlumatlı olması əlavə problem qaynağına çevrilib.

İkinci evliliyini bir müddət öncə həyat yoldaşı ilə anlaşmazlığı səbəbindən boşanmış bibisi qızı ilə qurmaq istədiyi iddia olunan icra başçısının dini nikah kəsdirdiyi də vurğulanmaqdadır. Elə Aparata bu barədə məlumatın o zaman ötürüldüyü iddia olunmaqdadır.

Yazıda adı çəkilən şəxslərin mövqeyini dərc etməyə hazırıq.

azerinfo.org