XX əsrdə bəşəriyyət iki dünya müharibəsi ilə üzləşdi. İkinci Dünya müharibəsi əhatə dairəsinə, iştirakçı dövlətlərin sayına və müharibənin aparılması metodlarına və vasitələrinə görə birincidən qat-qat dəhşətli idi. İkinci Dünya müharibəsinin tarix ədəbiyyatında çox vaxt "Vətən müharibəsi" adlanan 1941-1945-ci illər dövründə Azərbaycan xalqı istər cəbhədə, istərsə də arxada misilsiz döyüş və əmək rəşadətləri göstərmişdi.

Bu müharibədə Azərbaycandan 660 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçib, 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfər “Şərəf” ordeni, 170 min soydaşımız SSRİ-nin müxtəlif orden və medalları ilə təltif edilib.

Elə bu səbəblərdəndir ki, hər il Azərbaycanda 9 May - faşizm üzərində Qələbə Günü kimi qeyd olunur. 

Belə ki, Nizami rayonun Müharibə Əmək və Silahlı Qüvvələr Veteranlar təşkilatının sədri, ehtiyyatda olan mayor Yəhya Ağayevin təşkilatçılığı ilə Faşizm üzərində qələbənin 72 ci il dönümü münasibəti ilə Keşlə qəsəbəsində 1941-1945 ci illərə həsr olunmuş abidə qarşısında tədbir keçirmişlər. 

  Tədbirdə İcra başçısı Arif Qasımov, YAP-ın Nizami rayon təşkilatının sədri Sədaqət Vəliyeva, Nizami rayon Ağsaqqallar Şurasının sədri Mayıl Əliyev və bir çox təşkilatların nümayəndələri  İkinci Dünya müharibəsinin veteranları ilə görüşdükdən sonra abidə önünə əkililər qoymuşlar. Ardınca isə məktəblilər çıxışlar etmişlər. Gənc şahinlər isə müharibə veteranları və abidənin önündən yürüş xarakterli keçdikdən sonra tədbir yekunlaşmışdır.

Yəhya Ağayev

Nizami Rayon  Veteranlar Təşkilatının sədri

Silahlı qüvvələr veteranı, ehtiyatda olan mayor

 .

.