Müasir dövrdə qədimliyi xatırladan bu toy karvanı böyük marağa səbəb olub. Görüntülər Tovuzun Xatınlı kəndindəndir. Kənd sakini Zaur Əmiraslanov öz toyunda bəy karvanını at arabalarından təşkil edib. Bununla da o, xanımına sürpriz etmək istəyib. Bəy və gəlin isə xüsusi hazırlanmış faytonla kartejə qoşulublar.

Mediatv.az Xəzər TV-yə istinadən xəbər verir ki, bəy qədim adətləri yaşamaq üçün belə bir addım atdığını deyir. O bildirir ki, xarici avtomobillərlə hər kəs gəlin gətirir. Ancaq bu cür toy karvanı daha yaddaqalan olur.

Toy karvanı insanlarda da böyük maraq doğurub. Kənd sakinləri və qonaqlar indiki dövrdə belə toylara nadir hallarda rast gəldiklərini deyirlər.

Toy karvanı kəndin küçələrini gəzdikdən sonra məclisə daxil olub.