Bankomat qarşısında dayanan və təqaüdçülərə qarşı fırıldaqçılıq edən şəxs saxlanılıb.

Mediatv.az:  Xəzər TV xəbər verir ki, bir neçə ahıl şəxs Xətai Rayon Polis İdarəsinə müraciət edərək Məhəmməd Hadi küçəsində olan bankomatdan pensiyalarının çəkildiyini bildirib.

Ərazidəki təhlükəsizlik kameraları vasitəsi ilə müəyyən edilib ki, həmin şəxslərin pulunu Mübariz Quliyev çəkib. Çox çəkməyib ki, adı çəkilən şəxs saxlanılıb.

Polis müəyyən edib ki, Mübariz Quliyev bu üsulla ötən il Xətai rayonu ərazisində bir neçə nəfərin ümumilikdə 3300 manat pulunu mənimsəyib.

Faktla bağlı dələduzluq maddəsinin bir neçə bəndi ilə cinayət işi başlanıb.