Yanğına görə tutulanları neçə il həbs gözləyir?

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Cəmiyyət (22-05-2015, 13:28)
Yanğına görə tutulanları neçə il həbs gözləyir?

Bakının Binəqədi rayonunda baş verən yanğınla bağlı artıq 5 nəfər həbs edilib. Baş Prokurorluğun yaydığı məlumata görə, həbs edilənlər barəsində Ağır Cinayətlərə dair İşlər üzrə İstintaq İdarəsində müvafiq maddələr üzrə cinayət işi başlanılıb.

Binaların üzlənməsində istifadə olunan “poliuretan” məmulatını istehsal edən “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov və Binəqədi rayonu, 72 saylı mənzil-kommunal istismar sahəsinin rəisi Nizami Orucov barəsində 4 ay müddətinə həbs qətimkan tədbiri seçilib.

Onlar Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham edilirlər.

Qeyd edək ki, “Global Construction” şirkətinin rəhbəri Miryusif Mahmudov da məlum hadisiyə görə saxlanılıb.

Ümumilikdə Baş Prokurorluğun Ağır Cinayətlərə dair İşlər üzrə İstintaq İdarəsində Azərbaycan Respublikası Cinayət Məcəlləsinin 225.2-ci - ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma, 308.2-ci - vəzifə səlahiyyətlərindən sui-istifadə və 314.2-ci - ağır nəticələrə səbəb olan səhlənkarlıq maddələri ilə cinayət işi başlanılıb.

Barələrində cinayət işi açılan şəxsləri qanunla neçə il həbs gözləyir?

Cinayət Məcəlləsinin 225.2-ci - ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma maddəsinə görə təqsirləndirilən şəxslər 3 illədək, müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə 3 ildən 7 ilədək azadlıqdan məhrum edilə bilər.

Cinayət Məcəlləsinin 308.2-ci - vəzifə səlahiyyətlərindən sui-istifadə maddəsinə görə, isə 3 ilədək müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, əmlakı müsadirə olunmaqla 3 ildən 8 ilədək azadlıqdan məhrumetmə cəzası nəzərdə tutulub.

Cinayət Məcəlləsinin 314.2-ci - ağır nəticələrə səbəb olan səhlənkarlıq maddələri ilə açılan cinayət işinə görə isə 5 ilədək müddətdə azadlıqdan məhrumetmə ilə cəzalandırılır.

Qeyd edək ki, 2015-ci il mayın 19-da, saat 11 radələrində Bakı şəhəri, Binəqədi rayonu Azadlıq prospekti 200/36 ünvanda yerləşən çoxmərtəbəli yaşayış binasında yanğın baş verib. Hadisə nəticəsində 15 nəfər dünyasını dəyişik, 50-dən çox insan isə müxtəlif dərəcəli bədən xəsarəti alıb. (azvision.az)