Ötən gün dəhşətli yol qəzasında dünyasını dəyişən jurnalist Şahbaz Xuduoğlunun həyat yoldaşı Könül Yolçu qızı Rüstəmxanlı ilə vida mərazimi başlanıb. 

Vida mərasimi “28 may” metrou yaxınlığında, Füzuli 73/43 ünvanındadır.

Vida mərasimindən sonra, saat 12 radələrində Könül Rüstəmxanlı Binəqədi qəbirstanlığında dəfn olunacaq.

Allah rəhmət eləsin!

Qeyd edək ki, dünən saat 15 radələrində Şahbaz Xuduoğlu Yardımlıdan əmisinin yas mərasimindən qayıdarkən qəzaya düşüb. Qəza nəticəsində avtomobildə olan sərnişin 1971-ci il təvəllüdlü Könül Yolçu qızı Rüstəmxanlı hadisə yerində dünyasını dəyişib. 

Digər sərnişin İlahə Xudu qızı Əliyeva isə ağır yaralanıb. Qadın Masallı Mərkəzi rayon Xəstəxanasına yerləşdirilib.

Qeyd edək ki, yol qəzasında dünyasını dəyişən Könül Rüstəmxanlı “Qanun” Nəşrlər Evinin sahibi, jurnalist Şahbaz Xuduoğluun həyat yoldaşı, yaralanan İlahə Əliyeva isə bacısıdır.

Faktla bağlı araşdırma aparılır