Görün övladlarımıza KİMLƏR BİLİK ÖYRƏDİR... - MALƏSƏF...

Ana səhifə Bizimlə əlaqə

Məşhur Məmmədovun "Embafinans"ı borc içində - Rəhbərinə "stop" qoyulub

Füzuli Şəhəri Günüdür

Elmira Axundovadan “ağsaqqal”ının həbsinə reaksiya - "Təşəkkür edirəm"

Bakıda Zəfər Günü parad olacaq

Anar Tağıyevin sevimli şirkəti: İcra başçısı hər il "Təmir-İnşaat"a yol təmir etdirir

Prezident İİB ilə Anlaşma Memorandumunu təsdiq edib

Rövnəq Abdullayevin "görünməz əli" Anar Əlizadə haqqında...

“Bu məmurlar şəhəri bölüşdürüb satır” - Bakının memarlıq abidələri əldən gedir…

Deputatın qohumu ilə 9 saylı notarius rəisi vətəndaşın evini əlindən alıb

Təhsil (Bu gün, 09:43)
Görün övladlarımıza KİMLƏR BİLİK ÖYRƏDİR... - MALƏSƏF...

Bakının mərkəzində yerləşən orta təhsil müəssisələrindən biri olan Yasamal rayonu ərazisindəki 176 saylı orta məktəbin ingilis dili müəllimi sertifikasiya imtahanından keçə bilməyib. O, illərlə müəllim kimi fəaliyyət göstərsə də, iki dəfə sertifikasiya imtahanında minimum balı toplaya bilməyib.

Bizimyol.info xəbər verir ki, birinci dəfə imtahanda minimum keçid balı olan 30 baldan 23 bal toplayıb. İkinci dəfə isə 26 bal toplaya bilib. Nəticədə onunla bağlanmış əmək müqaviləsinə Əmək Məcəlləsinin 70-ci maddəsinin “c” bəndi (işəgötürən tərəfindən əmək müqaviləsinə xitam verilməsi - peşəkarlıq səviyyəsi kifayət dərəcədə olmadıqda) əsasında xitam verilib.
İşdən çıxarılan müəllim məhkəməyə müraciət edib. O, həm 176 saylı tam orta məktəb, həm də Bakı şəhəri üzrə Təhsil İdarəsinə qarşı iddia qaldırıb. İddia tələbi isə barəsindəki əmrin ləğv edilməsi, işə bərpa və məcburi iş buraxma dövrü üçün əmək haqqının ödənilməsi olub. O, iddia ərizəsində göstərib ki, I qrup əlil olan atası onun himayəsindədir. Həmçinin anası, qardaşı və həyat yoldaşı da II qrup əlildir. O, qeyd edib ki, qanunvericilik himayəsində I qrup əlil olan şəxslərin işdən çıxarılmasını qadağan edir. Bu baxımdan onun da işdən çıxarılması Əmək Məcəlləsinin 79-cu maddəsinin tələblərinə ziddir.
Təhsil İdarəsinin nümayəndəsi məhkəmədə onun iddiasının əsassız olduğunu deyib, təmin olunmamasını istəyib.
Yasamal Rayon Məhkəməsi müəllimin haqsız olduğu qənaətinə gəlib. Hakim qərarında yazıb ki, işçinin müəllim kimi uzun illər işləməsi ixtisası üzrə müvafiq ixtisas biliklərinə malik olmamasına haqq qazandırmır: “İşçi həm əmək funksiyalarını layiqincə həyata keçirməli, həm də ixtisası üzrə biliklərə malik olmalıdır. Savad, bilik, peşəkarlıq baxımdan uyğun olmayan işçilərin əmək müqavilələrinə xitam verilməlidir. Əks halda, Təhsil Nazirliyi tərəfindən əsaslı olaraq keçirilən sertifikasiya imtahanlarının hər hansı hüquqi nəticəsi olmayacaq. Sertifikasiyanın məqsədi əmək kollektivinin peşəkarlığının və hazırlığının artırılması, qənaətbəxs biliyə malik olmayan şəxslərin işdən kənarlaşdırılması, ixtisaslı, savadlı yeni kadrların işə cəlb edilməsidir”.