Suraxanıda Vətən müharibəsinin şəhidi Qardaşxan Əhmədlinin adının əbədiləşdirilməsi məqsədilə ailə üzvlərinin yaşadığı Suraxanı rayonu, Hövsan qəsəbəsi Südçülük sovxozu adlandırılan yaşayış sahəsində inşa edilmiş bulaq abidə kompleksinin açılış mərasimi keçirilib.
“Mediatv.az” xəbər verir ki, mərasimdə Suraxanı Rayon İcra Hakimiyyətinin başçısı Əziz Əzizov, şəhid ailələri və qazilər iştirak edib.
Suraxanı Rayon İcra Hakimiyyətinin başçısı Əziz Əzizov 30 illik işğal altında olan torpaqlarımızın Ali Baş Komandanın rəhbərliyi ilə Müzəffər ordumuz tərəfindən 44 gündə azad edilməsinin tarixi əhəmiyyətindən, igid vətən oğullarımızın qəhrəmanlıqlarından danışıb: “Dövlət başçımız cənab İlham Əliyevin və Birinci vitse-prezident Mehriban Əliyevanın birbaşa diqqəti və qayğısı sayəsində dövlətimiz tərəfindən hər bir şəhidin Vətən naminə xidmətləri yüksək qiymətləndirilir, xatirələri əbədiləşdirilir”.
Qeyd edək ki, Qardaşxan Əhmədli Azərbaycan Respublikası Prezidentinin müvafiq Sərəncamları ilə “Vətən uğrunda”, “Füzulinin azad olunmasına görə”, “Döyüşdə fərqlənməyə görə” medalları ilə təltif edilib.шаблоны для dle 11.2