Ukraynanın qaçaq prezidenti Viktor Yanukoviçin məşhur silahdaşı, əvvəllər onun mətbuat xidmətinin rəhbəri, sonra isə məsləhətçisi olmuş Regionlar Partiysından Ali Rada üzvü Anna Germanın sovet dövründə DTK ilə əməkdaşlıq etməsi və Ukraynanın müstəqilliyi uğrunda mübarizə aparması barədə söz-söhbət səngimir. 

Qız soyadı Stivits olan Annanın hələ tələbəlik illərində özünün etiraf etdiyinə görə ehtiyac ucbatından ailə qurduğu Vladimir Korovits Ukrayna DTK-nın zabiti, atası isə həmin qurumun şöbə müdiri olub. İkinci dəfə ailə qurduğu Sergey Qermanla ailə quraraq onun soyadını götürdükdən sonra jurnalistin ad və soyadının 60-80-ci illərin məşhur sovet-polyak müğənnisi Anna Germanla eyniləşməsi isə onun populyarlaşmasında mühüm rol oynayıb. Bu və digər faktlara əsaslanan siyasi əleyhdarları və həmkarları A.Germanını DTK ilə əməkdaşlıq etməsi barədə iddia irəli sürdlər. Hələ 2011-ci ilin dekabrından Rusiyanın məşhur “Arqumentı i faktı” qəzetində onun “Tereza” ləqəbi altında Ukrayna DTK ilə könüllü əməkdaşlıq etməsi barədə sənədli materiallar dərc olundu. 2014-cü ilin fevralında V.Yanukoviçin ölkəni tərk etməsindən sonra mətbuatda A.Germana qarşı bu cür kompromatlar daha da gücləndi. Sabiq preziden müşaviri son günlər məhkəmədə bu iddiların yalan olduğunu sübut etsə də, ona qarşı hücumlar səngimir.