DİA.AZ: - Deputat İqbal Məmmədovun qardaşı Çingiz Məmmədova məxsus "Piran" Broylerin işçiləri maaşlarını ala bilmirlər. Bu barədə DİA.AZ-a Lerikdən məlumat verilib.

Xəbəri verən qaynağın sözlərinə görə, İqbal Məmmədovun qardaşının işçilərinə son iki ayda pul verilmədiyindən etirazlar yaranıb.

Mənbə dia.az-a bildirir: "İşçilərə deyilib ki, pul yoxdur, çünki "nazirlik onlardan yüklü miqdarda pul alıb". Amma bilinmir hansı nazirlik alıb və niyə "Piran" rəhbərliyi işçilərin maaşlarını nazirliyə verib".

Onu da bildirək ki, Çingiz Məmmədovun adı buna qədər də işçilərlə xoş olmayan münasibətləri səbəbindən mətbuatda hallanmışdı.