Prezident İlham Əliyev Zakir Qaralovun yenidən Baş prokuror vəzifəsinə təsdiqlənməsi üçün Milli Məclisə təqdimat göndərib. 

"Mediatv.az" xəbər verir ki, bu barədə Milli Məclisin bu gün keçirilən plenar iclasında spiker Oqtay Əsədov bildirib. 

Baş prokuror Zakir Qaralovun fəaliyyəti haqqında Milli Məclisin Hüquq siyasəti və dövlət quruculuğu komitəsinin sədri Əli Hüseynli məlumat verib. 

O bildirib ki, Milli Məclislə Baş Prokurorluq arasında səmərəli əməkdaşlıq olub. Deputat bildirib ki, bu gün prokurorluq orqanlarında gənc kadrlar çoxdur. 

Spiker Oqtay Əsədov deyib ki,  Zakir Qaralov dövlətçiliyə bağlı şəxsdir. 

Sonda Milli Məclis Zakir Qaralovun növbəti dəfə Baş prokuror olmasını təsdiq edib.

Xatırladaq ki, o, 2000-ci il aprelin 25-dən Azərbaycan Respublikasının Baş prokurorudur. 

***

Zakir Qaralov isə çıxışında ölkə başçısına təşəkkürünü bildirib.