Fövqəladə Hallar Nazirliyi (FHN) ilə “Kriogen-N” şirkəti arasında məhkəmə çəkişməsi davam edir.
Qaynarinfo xəbər verir ki, iş hazırda Ali Məhkəmədədir. Kassasiya şikayətinin “Kriogen-N” şirkətinin verdiyi bildirilir. Bəhram Qəribov iş üzrə hakim təyin edilib.
“Kriogen-N” MMC ilə FHN bir müddətdir ki, üz-üzədir. Şirkət əvvəlcə Bakı Kommersiya Məhkəməsində iddia qaldırıb. İddia qismən təmin edilib. Bakı Apellyasiya Məhkəməsi də birinci instansiya məhkəməsinin qərarını qüvvədə saxlayıb.
Məhkəmə çəkişməsi müqavilələrdən əmələ gələn öhdəliklər üzrə mübahisələrdən ibarətdir.
“Kriogen-N” MMC 7 noyabr 2006-cı ildə qeydiyyata alınıb. 2008-2014-cü illərdə şirkətin qanuni təmsilçisi Hacıyev Nizami Babaşah oğlu olub.
Nizami Hacıyevin adı oksigen istehsalı ilə məşğul olan “Chinar-Servis” şirkətinə reyder hücumunda hallanıb. Şirkətin rəhbəri İlyas Sadıxov mediaya açıqlamasında Nizami Hacıyevi onun biznesini ələ keçirməkdə ittiham edib.шаблоны для dle 11.2