Şirvanda həkimin evindən 100 min manatlıq oğurluq olub.

Mediatv.az xəbər verir ki, şəhər sakini Qafarzadə Arif Firuz oğlu polisə müraciət edərək naməlum şəxs və ya şəxslərin yaşadığı evdən 50 min dollar (85 min manat ekvivalentində) və 15 min manat pulu gizli yolla taladığını bildirib. O qeyd edib ki, oğurluq hadisəsi 24.11.2022-ci ildən 23.03.2023-cü il tarixədək olan müddət ərzində baş verib.

Faktla bağlı Şirvan Şəhər Polis Şöbəsində Cinayət Məcəlləsinin 177.2.3-cü (Oğurluq-külli miqdarda ziyan vurmaqla) iş başlanılıb, araşdırma aparılır.

Qeyd edək ki, A.Qafarzadə həkim kimi fəaliyyət göstərir.