Prezidentin Naxçıvan üzrə səlahiyyətli nümayəndəsi Fuad Nəcəfli özünə bir müavin götürüb.

DİA.AZ bu barədə tanınmış jurnalist Heyər Oğuza istinadla xəbər verir ki, Anar Həsənli adlı bu məmur indiyədək Bakıda DGK-də işləyib. Hətta onun köhnə işindən hələ ayrılmadığı vurğulanır.

Fuad Nəcəflinin yeni kadrı Naxçıvana yad birisi də deyil. O, paytaxtın israrlı tələbi ilə Vasif Talıbov tərəfindən vəzifəsindən qovulan Əli Həsənovun qardaşı oğludur.

Qeyd edək ki, bir zamanlar Naxçıvanın da öz Əli Həsənovu var idi. MR Ali Məclisinin Aparatın rəhbəri vəzifəsində çalışan bu Əli Həsənov Bakıdakı adaşından geri qalmırdı. O da Naxçıvanın “boz kardinalı” sayılırdı. 2019-cu ilin may ayında ağzının danışığını bilmədiyi üçün işdən qovulanadək Muxtar Respublikada bütün korrupsiya əməllərinin başında dayanan Əli Həsənovun qardaşı oğlunun Bakıdan Naxçıvana faktiki olaraq 2-ci şəxs yerinə gətirilməsi yerli sakinlər arasında birmənalı qarşılanmaya bilər. Belə təsəvvür yarana bilər ki, ölkədə sanki zadəgan tayfalar mövcuddur və məmur sinfi ancaq həmin tayfalar arasından çıxır.

Doğrudanmı ölkədə insan qəhətliyi var?

Yeri gəlmişkən, dia.az Fuad Nəcəflinin yeni müavini Anar Həsənliyə verilmiş xidməti avtomobilinin nömrəsini də qulağıma öyrənə bilib: 70 AA 100...

Məsələ ilə bağlı  bütün maraqlı tərəfləri dinləməyə hazırıq...