Türkiyə Xarici İşlər Nazirliyi Azərbaycan və Ermənistan arasında sülh sazişi hazırlıqlarına başlanılması və Birgə Sərhəd Komissiyasının yaradılması ilə bağlı razılıq əldə olunmasından məmnundur.

Mediatv.az “CNN Türk”ə istinadən xəbər verir ki, bu barədə məlumatı Türkiyə XİN yayıb.

“Azərbaycan Prezidenti İlham Əliyev, Avropa İttifaqı Şurasının Prezidenti Şarl Mişel və Ermənistanın Baş naziri Nikol Paşinyan arasında aprelin 6-sı Brüsseldə keçirilən görüş nəticəsində iki ölkənin xarici işlər nazirlərinə sülh sazişinin hazırlıqlarına başlanılması ilə bağlı göstəriş verilməsi və iki ölkə arasında aprelin sonuna qədər Birgə Sərhəd Komissiyasının qurulmasına dair razılıq əldə olunmasından məmnunluq duyuruq. Türkiyə bölgədə sülh və sabitliyin təmin olunması istiqamətində səyləri dəstəkləyir və bu səylərə fəal töhfə verir”, - deyə məlumatda qeyd olunub.