Dekabrın 10-da Suraxanı Rayon İcra Hakimiyyətinin və Yeni Azərbaycan Partiyası Suraxanı rayon təşkilatının birgə təşkilatçılığı ilə Ümummilli Lider, Ulu Öndər Heydər Əliyevin Anım günü münasibətilə tədbir keçirilib.
Tədbirdə Suraxanı Rayon İcra Hakimiyyətinin başçısı Əziz Əzizov, Milli Məclisin deputatları, YAP Suraxanı Rayon təşkilatının sədri Vüqar Seyidov, RİHB yanında Şuranın üzvləri, idarə, müəssisə və təşkilat rəhbərləri, ictimai birliklərin sədrləri, şəhid ailələri iştirak edib.
Rayon İcra Hakimiyyətinin akt zalında Heydər Əliyevə həsr olunmuş “Millət Atası” filminin nümayişi ilə davam edən tədbiri giriş sözü ilə Suraxanı Rayon İcra Hakimiyyətinin başçısı Əziz Əzizov açıb: "Öz həyatını bütövlüklə xalqına, Vətəninə həsr edən dahi şəxsiyyət Azərbaycanın müasir tarixinin şərəfli səhifələrinin yazılmasına və ölkəmizin müstəqilliyinin daimi yaşamasına töhfələr verib. Azərbaycançılıq məfkurəsi bu gün Prezident İlham Əliyevin müdrik rəhbərliyi altında uğurla inkişaf edir".
Tədbir YAP Suraxanı rayon təşkilatının sədri Vüqar Seyidovun, Bakı Dövlət Universitetinin tələbəsi Aytən Cabarovanın, Respublikanın əməkdar artisti, ADMİU-nin dosenti, Rayon Ağsaqqallar Şurasının sədr müavini Ağalar Bayramovun çıxışları və bədii hissə ilə davam edib.шаблоны для dle 11.2