“Bakı tərəfdaşları ilə “3+3” regional əməkdaşlıq formatının yaradılmasının diplomatik kanallarla müzakirələrini davam etdirir”.
“Mediatv.az” TASS-a istinadən xəbər verir ki, bunu Azərbaycan Prezidentinin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev VIII Bakı Qlobal Forumunda çıxışı zamanı deyib.
Hikmət Hacıyev bildirib ki, bu format regionda gələcək əməkdaşlığın istiqamətlərini müəyyənləşdirir. Hazırda bu məsələ ilə bağlı diplomatik kanallar vasitəsilə təmaslar aparılır.
“Ümumilikdə Azərbaycan bu prosesi dəstəkləyir. Bu format əsasında müzakirələri davam etdirməyə və yeni regional əməkdaşlıq platforması yaratmağa hazırıq”, - deyə Hacıyev əlavə edib.шаблоны для dle 11.2