Şuşa Bəyannaməsi yolları açıb: - 3 Prezidentin görüşündən nə gözlənilir?

Yasamalda səhərə qədər tikinti aparılır, sakinlər yata bilmir - ŞİKAYƏT

Seymur İsmayılovun Elm və Təhsil Nazirliyi ilə tender oyunları

Göyüşovun Amerika səfirliyində - Yarım milyonluq yeyintisi...

Mənzil-Kommunal Təsərrüfatı Departamentinin rəisi Rafail Mehralıyevin yeznəsi Eldar Şirinov milyonluq obyekt inşa etdirdi -FOTO

Qəbələnində öz “Tender kralı” var - 945 min manatlıq müsabiqənin qalibi oldu

Rəşad Kərimova ölkədən çıxış yasağı qoyulub –SƏBƏB

Xocəsəndə qanunsuz tikintiyə hansı məmur icazə verib? - VİDEO

Nilufəri ÖLDÜRƏN HƏKİM niyə həbs olunmur? - VİDEO

“KOB evi”ni əvvəl tikib sonra müqavilə bağlayıblar? –2,5 milyon xərclənəcək

Siyasət (6-07-2021, 15:42)
Şuşa Bəyannaməsi yolları açıb: - 3 Prezidentin görüşündən nə gözlənilir?

Azərbaycan, Türkmənistan və Türkiyə prezidentlərinin görüşü gözlənilir.

Cebhe.info xəbər verir ki, bununla bağlı Azərbaycan Xarici İşlər Nazirliyi məlumat yayıb. Bildirib ki, Türkmənistanın xarici işlər naziri Rəşid Meredov azərbaycanlı həmkarı Ceyhun Bayramovla ən yüksək siyasi səviyyədə əldə edilmiş razılaşmaların icrasını müzakirə edib. Diplomatlar Azərbaycan, Türkmənistan və Türkiyə prezidentlərinin bu il keçirilməsi planlaşdırılan üçtərəfli görüşünün əhəmiyyətini vurğulayıblar.

Rəşid Meredov və Türkiyənin XİN rəhbəri Mövlud Çavuşoğlu arasında baş tutmuş telefon danışığı zamanı da Azərbaycan, Türkmənistan və Türkiyə dövlət başçılarının görüşünün vacibliyi qeyd olunub. Bundan başqa, nazirlər Türkiyə prezidentinin Türkmənistana səfərinin hazırlıq məsələlərinə də diqqət ayırıblar.

Qeyd edək ki, Azərbaycan, Türkmənistan və Türkiyə prezidentlərinin görüşü zamanı bir sıra razılaşmaların imzalanacağı gözlənilir.

Maraqlıdır, görüşdə hansı məsələlər müzakirə olunacaq və razılaşmalar imzalana bilər?

“Atlas” Araşdırmalar Mərkəzinin rəhbəri, politoloq Elxan Şahinoğlu Cebhe.info-ya açıqlamasında deyib ki, Azərbaycanın müharibədəki qələbəsindən və “Şuşa Bəyannaməsi”ndən sonra türkdilli dövlətlərin inteqrasiyasında sürət artımı hiss olunur:

“Qarşılıqlı səfərlər də bunu sübut edir. Qırğızıstan Prezidenti Türkiyəyə səfər etdi, Qazaxıstanın Baş nazirinin müavini, xarici işlər naziri Azərbaycana gəldi, Türkiyənin müdafiə naziri Hulusi Kılıç ard-arda Özbəkistan, Qazaxıstan, Qırğısıztan və Tacikistana səfər etdi. Sadəcə Türkmənistan bu proseslərdən bir qədər kənar görünürdü, çünki neytral xarici siyasət yürüdür. Amma gələn xəbərlərə görə, Türkmənistan özü də türkdilli dövlətlərin inteqrasiyasına maraq göstərir. Məlumatlara görə, Türdilli Dövlətlərin Əməkdaşlıq Şurasının növbəti iclasında Türkmənistan da iştirak etmək istəyir. Bu, çox vacibdir. Türkiyə də uzun zamandır buna çalışır. Bu, Azərbaycanın da maraqlarına uyğundur. Digər tərəfdən, uzun illərdir Türkiyə, Azərbaycan və Türkmənistan üçtərəfli formatı da var”.

Politoloq bilidirib ki, növbəti razılaşmalar enerji sahəsinə aid ola bilər:

“Doğrudur, Azərbaycanla Türkmənistan arasında uzun illər boyu bizim “Kəpəz”, onların “Sərdar” dediyi yatağa görə narazılıq var idi. Hər zaman deyirdim ki, bununla bağlı razılaşma əldə olunmalı, iki qardaş dövlət kiçik yatağa görə mübahisə etməməlidir. 20 il keçdi, nəhayət, razılaşma əldə olundu. Hətta yatağa ortaq bir ad da tapıldı, “Dosluq” yatağı oldu. İndi həmin yatağın işlənməsi məsələsi var. Azərbaycanın hazır infrastrukturu var, Xəzərin dibi ilə qaz Azərbaycana, buradan da Türkiyəyə çatdırılacaq.

Düşünürəm ki, daha sonra Türkmənistan qazının Azərbaycan vasitəsilə Türkiyəyə çatdırılması məsələsi də gündəmdə olacaq. Bu istiqamətdə ciddi danışıqlar getməli və hesab edirəm ki, razılaşma da olmalıdır. Kimsə Türkmənistanın Azərbaycan üzərindən Türkiyəyə qaz nəqlinə mane ola bilməz. Deyirlər ki, Rusiya Xəzərin dibi ilə boru çəkilişinə mane olmaq istəyir. Səbəb nədir? Qaz xətti Azərbaycan və Türkmənistan ərazisindən keçir, hansı ekologiyadan söhbət gedə bilər? Rusiyanın özü Qara dənizin, Baltik dənizinin dibi ilə boru xətləri çəkir. Heç onlara “Niyə çəkirsən, bunun ekologiyaya bu qədər zərəri var” deyən yoxdur. Azərbaycan və Türmənistanın da belə haqqı var və düşünürəm ki, əsas razılaşmalar məhz bu ətrafda ola bilər”.

Elxan Şahinoğlu əlavə edib ki, hərbi əməkdaşlıq məsələləri də müzakirə oluna bilər:

“Son zamanlar, xüsusilə də Şuşa Bəyannaməsindən sonra hiss olunur ki, Türkiyənin Mərkəzi Asiya ölkələri ilə hərbi əməkdaşlığı da genişlənib. Birgə hərbi təlimlər, hərbi texnikaların birgə istehsalı ilə bağlı da Türkmənistanın Türkiyə və Azərbaycanla danışıqları, gələcəkdə də razılaşmaları ola bilər”.

Siyasət (6-07-2021, 15:42) Şuşa Bəyannaməsi yolları açıb: - 3 Prezidentin görüşündən nə gözlənilir?

Siyasət (6-07-2021, 15:42)
Şuşa Bəyannaməsi yolları açıb: - 3 Prezidentin görüşündən nə gözlənilir?