Kremlin Qafqazda son döyüşü

Yasamalda səhərə qədər tikinti aparılır, sakinlər yata bilmir - ŞİKAYƏT

Seymur İsmayılovun Elm və Təhsil Nazirliyi ilə tender oyunları

Göyüşovun Amerika səfirliyində - Yarım milyonluq yeyintisi...

Mənzil-Kommunal Təsərrüfatı Departamentinin rəisi Rafail Mehralıyevin yeznəsi Eldar Şirinov milyonluq obyekt inşa etdirdi -FOTO

Qəbələnində öz “Tender kralı” var - 945 min manatlıq müsabiqənin qalibi oldu

Rəşad Kərimova ölkədən çıxış yasağı qoyulub –SƏBƏB

Xocəsəndə qanunsuz tikintiyə hansı məmur icazə verib? - VİDEO

Nilufəri ÖLDÜRƏN HƏKİM niyə həbs olunmur? - VİDEO

“KOB evi”ni əvvəl tikib sonra müqavilə bağlayıblar? –2,5 milyon xərclənəcək

Siyasət (29-06-2021, 18:11)
Kremlin Qafqazda son döyüşü

Azərbaycan-Ermənistan sərhədində son zamanlar təxribatlar baş verir.

Son günlər Ermənistan ordusu bir neçə dəfə Kəlbəcər və Tovuz rayonları istiqamətində Azərbaycan silahlı qüvvələrinin mövqelərini atəşə tutub. Eyni zamanda, Ermənistan-Azərbaycan sərhədinin Kəlbəcər rayonu istiqamətində Rusiya qoşunlarının cəmləşməsi müşahidə olunur. Rəsmi İrəvan dövlət sərhədinin Kəlbəcər istiqamətində mühafizəsini Rusiya hərbçilərinin həyata keçirəcəyini bildirib.

Sərhədlərin delimitasiyası və demarkasiyası prosesinin aparıldığı bir vaxtda Ermənistanın belə addımlar atması vəziyyəti gərginləşdirə bilər. Siyasi ekspertlər hesab edirlər ki, Ermənistanın təxribatçı addımları bölgədə böyük dövlətlərin geosiyasi qarşıdurmasını dərinləşdirəcək.

Politoloq Cümşüd Nuriyev Cebhe.info-ya açıqlamasında qeyd edib ki, Azərbaycan-Ermənistan sərhədində baş verən son hadisələr Rusiya Müdafiə Nazirliyinin Baş Hərbi Kəşfiyyat İdarəsi tərəfindən hazırlnmış ssenari əsasında həyata keçirilir:

“Həm Azərbaycan sərhədində atəşkəsin pozulması, həm də dövlət sərhədinin Ermənistanla olan hissəsində Rusiya ordusunun yığılması Kremlin Şuşa Bəyannaməsindən narahatlığını əks etdirir. Ona görə də Tovuzda və Kəlbəcərdə atəşkəs pozulur, lakin Rusiya buna reaksiya vermir. Qubadlı istiqamətində də Rusiya hərbçiləri yığılıb. Burada əsas məqsəd Azərbaycanı təxribata çəkməkdir. Rusiya çalışır ki, Kollektiv Təhlükəsizlik Müqaviləsi Təşkilatının nizamnaməsinin 4-cü maddəsini işə salsın və Azərbaycanın bu qaydaları pozduğuna dair rəy yaratsın. Moskva fikirləşir ki, bu cür təxribatlar davam etsə, Azərbaycan tərəfinin əsəbləri dözməyib hücuma keçəcək.

Nəticədə Rusiya Ermənistanı kollektiv müdafiə adı altında Hadrut və Şuşa şəhərlərini ələ keçirməyə cəhd edəcək. Çünki Rusiya, İran və “5-ci kalon” Azərbaycanın nəzarətdən çıxmasından narahatdır. Onlar elə fikirləşirlər ki, Azərbaycan I Pyotrun dövründən üzübəri olduğu kimi Rusiyanın vassalı olmalıdır. Lakin Azərbaycan 44 günlük müharibə ilə buna son qoydu və nəyə qadir olduğunu göstərdi. Rusiya unudur ki, Azərbaycanın yanında Türkiyə və Pakistan var. Ona görə də Rusiya ermənilərə görə belə təxribatlara getməməlidir. Artıq zaman əvvəlki kimi deyil. 350 milyonluq türk dünyasının yarısı Rusiyanın nəzarətindədir. Buna baxmayaraq, Rusiya Azərbaycana qarşı təxribatlar törətməyə çalışır”.

Ekspert bildirib ki, xarici işlər naziri Lavrovun və Baş nazir Mişustinin aqressivliyi də bununla bağlıdır:

“Çünki Türkiyənin Qafqazdakı mövqeyi Rusiyanı çox narahat edir. Kremldəkilər anlamalıdır ki, Türkiyənin Qafqazda olması Rusiyanın dağılmasının qarşısını ala biləcək yeganə amildir. Rusiyanın Türkiyə ilə qarşıdurmaya getməsi onun son döyüşü olar. Rusiya fikirləşməlidir ki, Türkiyəni qarşısına almaqla bütün İslam dünyası ilə münaqişəyə girə bilər. Hətta Lenin özü də 1919-cu ildə yazırdı ki, Rusiyada “velikorus” şovinizmi baş qaldıranda uçurumun kənarında olur. Bu dəfə Rusiya bütün regionlara nəzarəti itirəcək və yalnız Uraldan qərbə tərəf mərkəzi hissədə qalacaq”.

Qeyd edək ki, bəzi siyasi müşahidəçilər Rusiyanın əsas məqsədinin münaqişəni yenidən bərpa etməklə Azərbaycan-Ermənistan sərhədi boyunca sülhməramlı yerləşdirmək olduğunu ehtimal edir.

Cümşüd Nuriyevin sözlərinə görə, Rusiya sülhməramlı qüvvələrinin mandatı Azərbaycan tərəfindən təsdiqlənməyib. Ona görə də Azərbaycan istədiyi vaxt həmin bəyannamədən çıxa bilər:

“Hətta ola bilsin ki, Paşinyan özü birtərəfli qaydada 10 noyabr bəyanatından daha tez çıxacaq. Bununla da Rusiya hərbi bazalarının Ermənistan ərazisindən çıxmasını gündəmə gətirəcəklər. İkincisi, Laçın dəhlizində Rusiya sülhməramlıları öz missiyasını yerinə yetirmir. Onlara BMT mandat verməyib və bu missiya üç ölkənin razılaşması əsasında təmin edilib. Rusiya sülhməramlıları BMT-nin nizamnaməsinin 6-7-ci fəsillərini 37-ci maddədən 47-ci maddəyə qədər pozur. Ona görə də Rusiya öz qoşunlarını sərhədin müdafiəsi adı altında Kəlbəcər istiqamətində yerləşdirməyə çalışsa da, nəticəsi olmayacaq. Azərbaycan Cəbrayıl, Zəngilan və Qubadlı rayonlarında sərhəd zastavaları tikib. Laçın və Kəlbəcər rayonlarında da bu proses həyata keçirilir. Bundan sonra Rusiya sərhəddə nə qədər əsgər yığsa da, xeyri olmayacaq.

Qarşı tərəfdə kimin olmasına baxmayaraq, Azərbaycan sərhədin pozulması ilə bağlı addım atmaq hüququna malik olacaq. Rusiya həddindən artıq aqressivləşib. Aranı qarışdıran da Mişustin və Lavrovdur. Putin də həmin iki erməninin sözü ilə hərəkət edir. Azərbaycan bundan narahat olmamalıdır. Prezidentimiz son bir ildə iki böyük qələbə qazandı. Birincisi, ötən il noyabrın 10-da imzalanmış Ermənistanın kapitulyasiya aktıdır. İkinci uğur isə Şuşa Bəyannaməsidir. Üçüncü qələbəmiz isə Azərbaycanla Ermənistan arasında sülh sazişi olacaq”.

Siyasət (29-06-2021, 18:11) Kremlin Qafqazda son döyüşü

Siyasət (29-06-2021, 18:11)
Kremlin Qafqazda son döyüşü