Bu gün Klassik Xalq Cəbhəsi Partiyası İdarə Heyətinin iclası keçirilib. Partiyanın mətbuat xidmətindən “Qafqazinfo”ya daxil olan xəbərə görə, iclasda Ukraynada baş verən son hadisələr müzakirə olunub. 

KXCP Ukrayna xalqının azadlıq və demokratiya ugrunda apardığı şərəfli mübarizəni dəstəklədiyini və həlak olanlara görə Ukrayna xalqına baş sağlığı verdiyini bildirib. Həmçinin, BDU- da və digər ali məktəblərdə baş verənləri müzakirə edən İdarə Heyəti tələbələrin haqlı tələblərini müdafiə etdiyini və aidiyyatı qurumlardan onların problemlərinin həllini tələb edir. İdarə heyətinin iclasında "Sovetski" məhəlləsində aparılan söküntü zamanı vətəndaşların hüquqlarının tapdanmasına etiraz ifadə olunub, sakinlərə layiqli və ədalətli kompensasiya ödənilməsi tələb edilib: “KXCP İdarə Heyəti Azərbaycan SSRİ- nin ilk və son prezidenti, 20 yanvar şəhidlərinin qanı üəzrindən hakimiyyətə gətirilən, xeyr- duasını Moskva ağalarından alan Ayaz Mütəllibovun son açıqlamalarına münasibət bildirib. Ayaz Mütəllibovun tarixi faktları təhrif etməsi onun xarakerindən, tərcümeyi- halından, özünüqoruma instinktindən irəli gələn mənəvi aşınmanın, hüquqi savadsızlığın və siyasi əxlasqsızlığın nümunəsidir”.