“Dünya Dağlıq Qarabağ münaqişəsinin həllini daha 30 il gözləyə bilməz. Münaqişələrin həlli mexanizmlərinə beynəlxalq hörmətin geri qaytarılması üçün real şans yaranıb”.
Mediatv.az“Anadolu” agentliyinə istinadən xəbər verir ki, bu barədə Türkiyənin Milli Müdafiə naziri Hulusi Akar bildirib.
Onun sözlərinə görə, onilliklər ərzində erməni işğalı faktına məhəl qoymayanlar bu gün atəşin dayandırılmasına çağırırlar ki, bu da ikiüzlülüyün göstəricisidir.
“Barışığa çağırmaq əvəzinə, bu ölkələr Yeravanı Azərbaycanın işğal olunmuş torpaqlarından qoşunlarının çıxarılmasına çağırmalıdırlar", - deyə nazir vurğulayıb.
Akar Ankaranın Cənubi Qafqazdakı vəziyyətlə bağlı mövqeyinin son dərəcə aydın olduğunu bildirib.
“Ermənistan silahlı qüvvələri Azərbaycanın işğal olunmuş torpaqlarından dərhal çıxmalıdır. Ankara işğal altındakı torpaqların azad edilməsi uğrunda mübarizədə Azərbaycanı dəstəkləyib və dəstəkləyəcək”, - deyə o vurğulayıb.шаблоны для dle 11.2