Erməni mətbuatı Astanada keçirilən Avrasiya Birliyi sammitində Vladimir Putinin Serj Sarkisyana saymazyana münasibətindən ciddi məyus olub.

“Mediatv.az” anspress-ə istinadən xəbər verir ki, bəzi erməni KİV-ləri hətta “Putin Ermənistana 300 milyon dollar qiymət qoydu” başlıqlı materiallarla çıxış ediblər. Erməni mətbuatı sammitdən sonra Rusiyanın Belarusa 1 mlrd. dollar, Qırğızıstana 1,2 mlrd. dollar və Erməistana isə 300 mln. dollar ayrılmasına bir çox məqalələr həsr edib.

Belə məqalələrdən birinin müəllifi, erməni şərhçi Naira Ayrumyan yazır: “Avrasiya Birliyi və Rusiya ilə tərəfdaşlıq çoxdan suverenliyin kiçildilməsi kimi qəbul edilir. Və Ermənistan, kiçildilməsinin növbəti təsdiqi kimi, 300 milyon dollar qiymətləndirildi. Bu, bizim ölkə barədə çox şeydən xəbər verir. Təəssüf ki, Ermənistan öz beynəlxalq nüfuzunu tamamilə itirib, onu xilas etmək üçün Avrasiya məkanı adlanan bu kiçildici müstəvidən ayırmaq barədə qərar vermək lazımdır. O məkandan ki, Ermənistanın yerinin harada olacağını Azərbaycan göstərir”.