Azərbaycan Yerüstü Nəqliyyat Agentliyi ötən gün daha bir milyonluq tenderə imza atıb.
Tribunainfo.az xəbər verir ki, bu barədə açıq mənbələrdə məlumat yayılıb.
Bildirilir ki, tender Bakı şəhərinin müxtəlif ünvanlarında quraşdırılmış predmetlərin əsaslı təmizlənməsi, dezinfeksiya, dezinseksiya, deratizasiya və s. xidmətlərinin satın alınması məqasədi ilə keçirilib. Müsabiqənin qalibi isə “GREEN CLEANİNG” MMC olub. Bu şirkətlə AYNA işlərin görülməsi üçün 1 milyon 129 min 850 manata anlaşıb.
Qeyd edək ki, AYNA ötən il də eyni şirkətlə satınalma müqaviləsi bağlayıb. Tribunainfo.az-ın araşdırmasına görə, 2024-cü ildə bağlanılan müqavilə üzrə görülmüş işlərin həcmi son tenderdəkindən daha çox olub. Belə ki, Bakı şəhərinin müxtəlif ünvnlarında quraşdırılmış avtobus dayanacaqları, məhəccərlər, yol və piyada nişanları, həmçini AYNA-nın balansında olan bina və qurğuların əsaslı təmizlənməsi və s. xidmətlərin satın alınmasına 953 min 234 manat xərclənib.
Nəzərinizə çatdıraq ki, bu şirkətin konkret olaraq hansı tarixdə yarandığı barədə heç bir məlumat yoxdur. Hətta şirkətin rəsmi saytında belə bu barədə bilgi mövcud deyil. Bəlli olan isə odur ki, “GREEN CLEANİNG” MMC faktiki olaraq Bakı şəhəri, Yasamal rayonu, 605-ci məhəllə, Azad Mirzəyev küçəsi, 6C ünvanında əyləşir.
Qarşı tərəfi də dinləməyə hazırıq.шаблоны для dle 11.2