“Türkiyənin inkişafı bəzi böyük dövlətlərə və təşkilatlara əl vermir. Ona görə də bu ölkəni çökdürməyə çalışırlar”.

Mediatv.az xəbər verir ki, bu sözləri Sherg.az-a İstanbulda törədilən terraktın səblərindən danışarkən politoloq Zərdüşt Əlizadə deyib.

O bildirib ki, sabiq xarici işlər naziri Əhməd Davudoğlunun zamanında "Kürd açılımı" siyasəti vardı. Həmin vaxtlar terraktların sayı kəskin aşağı düşmüşdü, demək olar ki, yoxa enmişdi:"Elə ki, "Kürd açılımı" kənara atıldı, onda kürdlər də terror hadisələrinə əl atdılar. Bundan başqa Türkiyə İran, Rusiya və Qərblə əlbir olub. İŞİD-ə qarşı fəaliyyətə başlayandan sonra bu terror təşkilatı da Türkiyəni özünə hədəf seçdi. Bunun da qarşısını almaq mümkündür. Yəni rəsmi Ankara "Kürd açılımı" siyasətinə keçməlidir. Gərəkirsə kürdlərlə əlbir olub İŞİD-i məhv etmək lazımdır. Əlbəttə, İstanbuldakı son teraktdan sonra bütün ölkə liderləri rəsmi Ankaraya dəstək ifadə etdi. Başqa cür də ola bilməz. Çünki heç bir ölkə terrordan sığortalanmayıb".

Qeyd edək ki, ötən günlərdə Türkiyənin İstanbul şəhərində gecə klublarının birində terror hadisəsi törədilib və hadisə zamanı 40 nəfər qətlə yetirilib, 68 nəfər xəsarət alıb. Ölən və xəsarət alanlar sırasında əcnıbi vətəndaşlar da az deyil.